Skreenshotlarni operatsion tizimning ichki imkoniyatlaridan foydalangan holda olish mumkin. Windows, Linux va macOS tizimlari skreenshot olish uchun vositalarni taqdim etadi. Bundan tashqari, maxsus dasturlar ham mavjud.

Windows tizimida PrintScreen tugmachasi butun ekran tasvirini nusxalash imkonini beradi, Alt + PrtSc esa ayni damda faol bo‘lgan oynaning skreenshotini oladi. Ushbu tasvir keyin Paint, Word yoki PowerPoint hujjatlariga joylashtirilib, kerakli tarzda o‘zgartirilishi mumkin. Ko‘pincha, keraksiz qismlarni olib tashlash uchun rasmni qirqish talab etiladi, buni ushbu dasturlar yordamida bajarish mumkin.

Shuningdek, Windows tizimida Snipping Tool dasturini chaqirish uchun Windows + Shift + S tugmachalar kombinatsiyasidan foydalanish mumkin.

Figure 9: Snipping Tool

Snipping Tool bizga ekrandagi istalgan hududni tanlab, skreenshot olish va uni ajratib ko‘rsatish imkonini beradi.

MacOS tizimida skreenshot olish uchun Shift + Command tugmalari bilan birga 3, 4 yoki 5 son tugmachalaridan foydalanish mumkin.

• Butun ekran tasvirini tanlash va saqlash uchun: Ctrl + Shift + 3
• Muayyan joyni belgilash va skreenshot olish uchun: Ctrl + Shift + 4 yoki Ctrl + Shift + 5

Linux tizimida PrintScreen tugmachasi butun ekranni skreenshot qilish va uni Images/ katalogiga saqlash imkonini beradi.

• Shift + PrintScreen tugmalari orqali faqat tanlangan hududni skreenshot qilish mumkin.
• Kali Linux tizimida esa Screenshot nomli o‘rnatilgan vosita mavjud bo‘lib, u faol oynani tanlash, belgilangan hududni skreenshot qilish, surat olishdan oldin kechikish qo‘shish kabi funksiyalarni taqdim etadi.

Flameshot bu operatsion tizimdan qat’i nazar ishlaydigan, ochiq kodli va ilg‘or funksiyalarga ega skreenshot olish vositasidir. U grafik interfeys (GUI) va buyruq satri (CLI) orqali ishlaydi hamda suratga olish jarayonida matn, ajratib ko‘rsatish, piksellash, va boshqa tahrir imkoniyatlarini taqdim etadi.